Pane
kusawirirana kukuru muZANU-PF mudunhu reMashonaland West pamusoro penyaya yekutsvaga
munhu anofanirwa kumirira bato iri musarudzo yaseneta achange achimirira
ZANU-PF muChegutu.
Sekutaura kuri kuita mutori wedu wenhau, Arthur Chigoriwa, makakatanwa aya anotevera kudomwa
kwaMai Edna Madzongwe semutungamiri wedare reseneti.
Gadziriro
yesarudzo dzema by-elections iri kuenderera mberi munzvimbo nhanhatu, zvisinei
nekuti masangano anoongorora sarudzo, ari kugunun’una nenguva iri kuda kuitwa
sarudzo idzi.Sarudzo idzi dzakatarisirwa kuitwa ku Guruve North,
Gokwe-Gumunyu, Matobo North, Chegutu, neGokwe South.
Sachigaro ve Zimbabwe Electoral Commission, VaGeorge
Chiweshe, vanoti kunyange hazvo vasati vatara zuva resarudzo idzi, vari
kuenderera mberi nekugadzirira sarudzo idzi, vachitevedzera zvinodiwa nemutemo wesarudzo.
Mutori wenhau weStudio 7, Carole Gombakomba, aita hurukuro
naVaChiweshe avo vanoti vari kugadzirira sarudzo idzi, zviri kuenderana nemutemo
wesarudzo kwete kutevedzera zvakawiriranwa nevemapato ezvematongerwo enyika.
Ukuwo National Director ve Zimbabwe Election Suppport Network, Amai Rindai Chipfunde –Vava,
vanoti dai sarudzo idzi dzambomira kuitwa.Mai Chipfunde–Vava vaudza Carole Gombakomba weStudio7 kuti
sarudzo idzi dzinogona kuunza mhirizhonga munyika sezvakaita pasarudzo
yerun-off yemutungamiri wenyika.
Dzimwe Nhau Kubva ku Studio7...
Tumira Nyaya Iyi Netsambambozha
Mamiriro Azvinoita Zvadhindwa
