Aktori Xhemi Fox është angazhuar, duke shprehur opinionin e tij në lidhje reformën e kujdesit shëndetësor.

Aktori, i cili mbështeti fuqishëm Presidentin Obama gjatë fushatës së tij, tha se është i lodhur nga dobësia e demokratëve për këtë çështje.

Ai thotë se debati për këtë çështje duhet të eklipsojë dallimet politike. Duke e krahasuar rivalitetin mes demokratëve e republikanëve, si një rivalitet mes dy skuadrash futbolli, ai thekson se qëllimi i përballjes së tyre është përmirësimi i kujdesit shëndetësor.

"Sepse kur një person shkon në spital dhe nuk ka sigurim shëndetësor, zonja që të pret të kujton çdo minutë që po shpenzohen para për këtë person të pambuluar, dhe se po ai po merr nga koha e dikujt tjetër. Ajo thotë se nuk i intereson nëse ai person që shkon aty është republikan apo demokrat, apo pa parti; pra ajo që duhet të kemi është kujdesi shëndetor për të gjithë."

 Për të ilustruar domosdoshmërinë e kujdesit shëndetësor për të gjithë, Foxx sjell rastin e një miku të tij

" Ai vuan nga një infeksion i sistemit tretës. Sigurimi shpëndetësor nuk e mbulonte këtë problem, pasi ishte sëmundje e hershme e pacientit. Ai u sëmur rëndë dhe u detyrua të shtrohej në spital. Dhe fatura e tij ishte marramendëse. Vetëm për dhomën dhe qëndrimin në spital, i duhej të paguante 89 mijë dollarë. Ndërsa mjekim i tij kushtoi 450. 000 dollarë. Nëse nuk do të isha miku i tij i ngushtë dhe nuk do të paguaja për të, ai do të ishte i vdekur sot" thotë aktori i njohur.

Aktori Xhammie Foxx, i bëri këto komente gjatë intervistës për premirën e filmit "Law Abiding Citizen", i cili është në kinematë amerikane.

Uma Thurman, fotografi e Courtesy MGM

"E ndjej si mjaft të afërt këtë temë, vetë për faktin që merret me përvojën e një nëne. U angazhova me mendje të hapur dhe rashë në dashuri me subjektin.  Bëhet fjalë për një ambjent që unë e njoh mirë, pasi kam rritur fëmijët në Nju Jork. Megjithëse nuk është identitke me përvojën time, ka copëza të jetës së përditshme".

Aktorja tjetër e filmit Minnie Driver, interpreton shoqen e ngushtë dhe të besuar të Elizës. Ajo ka qenë shtatëzanë me djalin e saj Henry Story Driver, gjatë xhirimeve të këtij filmi.

"Isha 7 muaj e gjysëm shtatëzënë kur interpretoja,. Nuk kisha asnjë pengesë, veç faktit që ishte shumë vapë në Nju Jork, kur ne xhironim."- thotë ajo

Aktori Anthony Edwards, bashkëshorti i Thurman në film, i cili është baba i katër fëmijëve thotë se ky film është edhe për baballarët:

"Mëmësia ekziston sepse ekzistojnë baballarët - thotë ai- Skenaristja e filmit ka bërë një paraqitje të sinqertë dhe të hapur të tablosë. Ajo flet me vërtetësi për marrëdhënien burrë – grua, për marrëdhënien mes dy prindërve, shqetësimet, ankthet, stresin, ato periudha në jetë, që të duken se janë më të rënda seç do të doje. Dhe mbasi kalojnë këto kohë, dhe i analizon me kujdes, e kupton se janë më të mira nga ç'i mendoje".

Filmi është xhiruar në Nju Jork, dhe sjell pjesë dhe skena të jetës nju jorkeze.