Policia iraniane u përlesh me demonstruesit e opozitës që rinisën protestat
kundër qeverisë në 30 vjetorin e marrjes së pengjeve në ambasadën amerikane në
Teheran.Dëshmitarët thonë se policia lëshoi gaz lotsjellës për të shpërndarë qindra
vetët që dolën nëpër rrugët e Teheranit sot për protestat që kishin mbështetjen
e kandidatit të mundur presidencial Mir Hosein Musavi.
Demonstruesit thirrën “vdekje
diktatorit” ndërsa rigjallëruan protestat që filluan në qershor kundër rizgjedhjes
së debatueshme të Presidentit Mahmud Ahmadinexhad.Protesta ndodhi në të njëjtën
kohë kur mijëra vetë merrnin pjesë në një tubim anti-amerikan para ambasadës së
mbyllur amerikane në Teheran.
Demonstratat bëhen 30 vjet
pasi studentë iranianë hynë në ambasadë dhe mbajtën peng 52 amerikanë për 444
ditë.
Presidenti amerikan Barak
Obama e shënoi këtë ngjarje duke i bërë thirrje Iranit të zgjedhë nëse do të
vazhdojë të përqendrohet tek e kaluara apo do t’i hapë dyert për mundësi më të
mëdha për popullin e vet.//kk//
E-mail
Shtypni
