Tahir Muhedini, Kryetar i Partisë për Drejtësi dhe Integrim, një organizatë e cila interesohet për zgjidhjen e problemit të popullsisë çame, i tha Zërit të Amerikës se në mosmarrëveshjet me shtetin grek për këtë çështje të ndjeshme, partia e tij nuk kërkon as ndryshimin e kufijve dhe as përdorimin e dhunës. Ai ankohet se megjithë përparimin e bërë në sensibilizimin e opinionit ndërkombëtar për fatin e popullsisë çame, politikanët në Shqipëri nuk tregojnë interesimin e duhur. Zoti Muhedini ishte këto ditë në Nju Jork, i ftuar nderi nga organizata Vatra me rastin e Ditës së Flamurit. //ii