Në Shqipëri, shtimi i numrit të aksidenteve dhe nevojat e fëmijëve talasemikë për gjak të sigurtë, ka shtyrë Kryqin e Kuq të ndërmarrë një fushatë të gjerë sensibilizuese për dhurimin vullnetar dhe falas të gjakut. Në Qendrën e reagimit të shpejtë, në Vau Dejës, ushtarët profesionistë, që kanë marrë pjesë në misionet paqeruajtëse në Bosnje dhe Afganistan, dhuruan vullnetarisht gjak për të shpëtuar jetë njerëzish.