Një raport i Fondit të Kombeve të Bashkuara për fëmijët - UNICEF tregon se keqtrajtimi fizik dhe psiqik i fëmijëve në Maqedoni është mjaft i përhapur. Fëmijët në Maqedoni i nënshtrohen dhunës në një shkallë më të lartë krahasuar me vendet e rajonit si Shqipëria, Mali i Zi, apo Bosnja. Përfaqësuesi i Unicefit në Maqedoni Sheldon Yett i tha Zërit të Amerikës se ende ekziston një numër prindërish të cilët mendojnë se me masa të dhunshme apo ofenduese mund të disiplinojnë fëmijët e tyre.