Në Kosovë, kryeministri Hashim Thaçi, tha sot se Kosova do të përfaqësohet në forumet ndërkombëtare si shtet i pavarur, njësoj sikurse edhe vendet tjera të rajonit. Komentet e tij pasuan debatet e nxitura nga përpjekjet e ndërmjetësuesit të Bashkimit Evropian Robert Cooper për vazhdimin e bisedimeve ndërmjet Kosovës dhe Serbisë, ku pritet të diskutohet një zgjidhje që do të mundësonte pjesëmarrjen e Kosovës në forumet ndërkombëtare pa nxitur kundërshtimin e Serbisë.