ማክሰኞ ጥቅምት 23, በ50ውም የዩናይትድ ስቴትስ ግዛቶች መራጮች ግዛቶቹን የሚያስተዳድሩ ገዢዎች ይመርጣሉ። የአካባቢ ጉዳዮቻቸውን በብሄራዊው ምክር ቤት መድረክ ትኩረት እንዲያገኝ ለሚያደርጉላቸው ፖለቲከኞችም ድምፃቸውን ይሰጣሉ።
የአገሪቱ ልብ ትርታ በነገው የብሄራዊ ሸንጎ ሸንጎ፥ «የትኛው አሸናፊ ይሆናል?» የሚለውን የተከተለ ነው። በየሁለት ዓመቱ የሚካሄደው ምርጫ የሚመለከታቸው መላው የህግ አውጭው ምክር ቤት አባላትና በየ6 ዓመቱ ከሚመረጡት የህግ መወሰኛው ምክር አባላት አንድ ሦሥተኛው በቀጣዩ ምክር ቤቶች የሚኖራቸው ሚና ማክሰኞ ይወሰናል። ውጤቱም የግለሰብ ዕጩዎቹን ብቻ ሳይሆን፤ ከሁለት ዓመት በፊት፥ እንደ አውሮፓውያን የዘመን አቆጣጠር በ2008 በተካሄደው ከፍተኛ ድምፅ በተመረጡት ፕሬዝዳንት ባራክ ኦባማ ዲሞክራቲክ ፓርቲና በተቀናቃኙ የሪፐሊካን ፓርቲ መካከል የቀጣዩን የፕሬዝዳንቱን አጀንዳዎች ስኬት ጭምር ይወስናል።
 |
 |
በዚህ አጋማሽ የምርጫ ዘመን ወቅት፣ የአሜሪካ ድምፅ ሰጪዎችን ስለገጠሟቸው ስለነዚህ ጠቃሚ ጉዳዮች፣ የአሜሪካ ድምፅ ሬድዮ የአፍሪቃ ክፍል፣ በዓለም ዙሪያ የሚገኙ የአድማጮቻችንን አስተያየት ሊሰማ ይወዳል።
