İranda həbc edilən Amerika vətəndaşlarına qarşı casusluq ittihamı irəli sürülüb
09/11/2009
İranın rəsmi İRNA xəbər
agentliyinin bildirdyinə görə, İranda həbs edilən üç ABŞ vətəndaşına qarşı
casusluq ittihamı irəli sürülüb. Həmin amerikalılar iyul ayının 31-i İraqın
şimalından İran sərhədlərini qeyri-qanuni keçərkən həbs edilmişdilər. Bu gün Berlində etdiyi çıxışı zamanı Birləşmiş
Ştatların dövlət katibi Hillari Klinton bir daha İran rəsmilərini amerikalıları
azad etməyə çağırıb. İranda həbs edilən
amerikalılar Şeyn Bayer, Sara Şourd və Coş Fattalın ailələri keçən həftə
İrandakı İsveç diplomatlarının dustaqlara baş çəkmək üçün Tehrandakı Evin
həbsxanasına getdikləri barədə açıqlama vermişdilər. İsveç diplomatlarının Evin həbsxanasına ilk
dəfə sentyabr ayında, ikinci dəfə isə keçən həftənin cümə axşamı getdikləri
bildirilir.
Bu bəndlə razıyam: Bütün şərhlər sayta yerləşdirilməmişdən əvvəl redaktor tərəfindən nəzərdən keçiriləcək Göndərilən bəzi şərhlər saytda yerləşdirilməyə bilər Amerikanın Səsi sizin şərhinizdən dünya miqyasında özünün bütün media vasitələrində istifadə etmək hüququna malikdir. Terms & Conditions.