ABŞ Dövlət Departamenti bloggerlərin məhkum olunmasını tənqid edir
11/11/2009
Emin Milli - Adnan Hacızadə
Bu gün ABŞ
Dövlət Departamenti Azərbaycanda bloggerlər -Adnan Hacızadə və Emin Millinin məhkəmə
hökmü ilə azadlıqdan məhrum edilməsinə reaksiya verib.Açıqlamada deyilir: “Məhkəmə qərarı Azərbaycanda
demokratik islahatlara doğru proqresi geriyə atılan addımdır.Qeyri-şəffaf istintaq, qapalı məhkəmə
dinləmələri, qeyri-proporsional ittihamlar və hücumçuların saxlanmaması və
ittihamlarla üzləşməməsi ölkədə polisin və məhkəmə sisteminin müstəqilliyinə və
eləcə də Azərbaycanda söz azadlığına məhdudiyyətə dair narahatlıqları
artırır.Biz ümid edirik ki, son dörd
ayda baş verən hadisələr Azərbaycanda azad söz hüquqlarının zəifləməsi
tendensiyasına işarə deyil və biz appelyasiya prosesinin ədalətli, vaxtında və
şəffaf qaydada həyata keçirilməsinə çağırırıq.Biz həmçinin ümid edirik ki, məhkəmə hökmü ölkədəki sivil cəmiyyəti
Azərbaycan xalqının layiq olduğu demokratik islahatları təşviq etməkdən
çəkindirməyəcək. ABŞ Azərbaycan xalqı və hökuməti ilə söz və toplaşma azadlığı
yönümündə proqres əldə edilməsi üçün əməkdaşlıq aparmağa sadiq olaraq
qalır.Siyasi təsirdənazad müstəqil ədliyyə və fəal sivil cəmiyyət
müasir demokratik dövlətin təməl sütunlarıdır.
Azərbaycanda məhkəmə iki müxalifətçi internet fəalına hökm oxuyub. Bloggerlər Adnan Hacızadə və Emin Milli iki il və iki il yarım azadlıqdan məhrum ediliblər. Onlara qarşı irəli sürülən ittiham iyul ayında Bakıda bir restoranda baş verən dalaşmadan qaynaqlanır. Xuliqanizm və yüngül bədən xəsarəti yetirməkdə günahlandırılan bloggerlər onlara mülki geyimli polis tərəfindən hücum edildiyini deyirlər. Bu həbslər Adnan Hacızadənin eşşək geyimində mətbuat konfransı keçirərək prezident İlham Əliyevi yamsılamasından sonra baş verdi. Rəsmilər həbslərin bloggerlərin internet fəaliyyəti ilə heç bir əlaqəsi olmadığını israr edir. Lakin insan hüquqları qrupları deyir ki, Əliyev hökuməti sadəcə olaraq müxalifət mediasına basqıları indi internetə şamil etməyə başlayıb. Hökumət fərdi azadlıqlara məhdudiyyətlər tətbiq edildiyini danaraq daxili sorğularda prezident Əliyevin populyar olduğunu deyir.
Bu bəndlə razıyam: Bütün şərhlər sayta yerləşdirilməmişdən əvvəl redaktor tərəfindən nəzərdən keçiriləcək Göndərilən bəzi şərhlər saytda yerləşdirilməyə bilər Amerikanın Səsi sizin şərhinizdən dünya miqyasında özünün bütün media vasitələrində istifadə etmək hüququna malikdir. Terms & Conditions.
Radio
Televiziya
E-mail
Çap et
