İran yeni nümayişlərə başlayanlara qarşı sərt tədbirlər görə bilər
09/07/2009
Tehran valisi xəbərdarlıq edib ki, bu gün etiraz
aksiyalarına cəhd göstərən insanlara qarşı kəskin ölçülər götürüləcək. Bu
xəbərdarlıq Tehranda tələbələrə qarşı ölümlə nəticələnmiş zorakılığın 10-cu
ildönümünü qeyd etmək üçün müxalifətin yeni etirazlara çağırışlarla eyni vaxtda
verilib. Tehranın valisi Murtuza Tamadon anti-inqilab şəbəkəsinin yeni
nümayişlərə çağırdığını bildirib. Belə çağırışlar bütün həftə boyu müxalif veb
səhifələrdə və sosial şəbəkə saytlarında dolaşıb. 12 iyun prezident
seçkilərindən sonra keçirilən müxalifət nümayişlərinin qarşısı alınıb. Məğlub
olmuş islahatçı namizəd Mir Hüseyn Musəvi və tərəfdarları təkidlə onun qələbə
qazandığını bildirir. Onlar deyir ki, prezident Mahmud Əhmədinejadın qalib
gəldiyini göstərən seçki nəticələri saxtalaşdırılıb.
Radio
Televiziya
E-mail
Çap et
