ABŞ
prezidenti Afrikanın dünya məsələlərinin bir hissəsi olduğunu deyib. Barak
Obama bunu Qanada prezident Con Atta Millslə səhər yeməyindən sonra bildirib.
Barak Obama bu gün Qananın parlamenti qarşısında çıxış edib,
administrasiyasının Afrikaya dair siyasətini açıqlayıb.
Prezident deyib ki,
demokratiya, imkanlar, səhiyyə və münaqişələrin həlli Afrika və inkişaf etməkdə olan ölkələrin gələcəyinin
əsas amilləridir.O, qarşılqılı məsuliyyətin Afrika ölkələri və ABŞ arasındakı
tərəfdaşlığın təməl daşı olduğunu bildirib. Prezident Obama
administrasiyasının malyariya, polio,
vərəm və QİÇS-lə mübarizə məqsədi ilə 63 milyard dollar məbləğində Afrikanın
səhiyyə təşəbbüslərinə vəsait ayırdığını bəyan edib. Barak Obama bu
qitədəki münaqişələrin həllinə çağırıb. O
deyib ki, ideologiya naminə günahsız insanların öldürülməsinə heç cür bəraət
qazandırıla biləməz.
ABŞ dövlət başçısı uşaqların ölümə göndərilməsinin
ictimaiyyətin ölüm hökmü olduğunu bildirib. Prezident deyib ki, Darfurda hər bir uşağın
dəyəri, Konqoda hər bir qadının şərəfi müdafiə edilməlidir.
Prezident
deyib ki, fəqli qəbilələr və fərqli
peyğəmbərlərə məxsus olanları qəbul etməyənlərə 21-ci əsrdə yer yoxdur. Barak
Obama Afrikanın gələcəyinin afrikalıların əlində olduğunu vurğulayıb. ABŞ
dövlət başçısı Qanaya səfər etməsini bu ölkənin funksiya göstərən bir
demokratiyaya malik olması ilə izah edib. Prezident Obama və birinci xanım Mişel
Obama 300 il əvvəl Amerikanı kölələrlə təmin edən keçmiş qul ticarəti
mərkəzində olub.
Qananın paytaxtı bu gün hər iki ölkənin bayraqları və
liderlərin şəkilləri ilə bəzənib. Şəhərə təhlükəsizliyin qorunması üçün 10 000
polis səfərbər edilib. ABŞ prezidentinin şəhərin müstəqillik meydanında çıxışı
planlaşdırılırdı. Lakin yağmurlu hava şəraiti prezidentin açıq hava çıxışını imkansız
edib. ABŞ dövlət başçısı Qanaya dünən Böyük Səkkizliyin İtaliya sammitindən
sonra səfər edib.
Radio
Televiziya
E-mail
Çap et
