آمریکانین دفاع وزیری
پاکستانی، افغان سرحدینده تهلوکه سیزلییی آرتیرماغا چاغیردی. دفاع وزیری روبرت
گیتس(Robert Gates)
و ژنرال اورامیرال مایک (Oramiral Mike
Mullen) دونن روزنامه لره موضوع ایله باغلی آچیقلاما وئردیلر.
مولن، اسلام آبادی زیارتی
سیراسیندا پاکستانلی رهبرلرله، یاخشی گؤزله نیلمهین سرحدین افغانستاندا عضیانچی لارین هجوملارینی
آرتیرمالارینا سبب اولدوغونو بیلدیردی. دفاع وزیری گیتس ده، سرحددین افغان طرفینه
بیر هجوم اوچون عسکر توپلاندیغی ایله باغلی مطبوعاتدا چیخان خبرلری یالانلادی.
بو آرادا، افغانستانداکی ناتو
قووه لری، پاکستاندا گیزله نن یاراقلیلارین هدفینه هجوم ائتدی. ناتونون وئردیی
آچیقلامادا یاراقلیلارین مرزدن افغانستان ایچینه چوخ سایی دا راکت آتدیقلاری
بیلدیریلدی. ناتو قووهلری، راکتلرین آتیلدیغی یئری بلیرله ییب، اونا توپ و
هلیکوپتر آتشی ایله جواب وئردی. آچیقلامادا هجومون پاکستان اوردوسو ایله ایش بیرلییی
ایچینده دوزنلندییی ده وورغولاندی.
دیگر طرفدن پاکستانین حربی
سؤزچوسو ژنرال عباس، ناتونون افغان مرزینده توپلاندیغی خبری ایله باغلی دئدی کی،
پاکستان خارجی قووه لرین اونون تورپاقلاریندا عملیات آپارماسینا ایزین وئرمه یه
جک. آنجاق ژنرال عباس آمریکانین سسینه
وئردیی آچیقلامادا ناتو قووه لرینین افغانستان طرفینده امنیت نقطه لری
قورماسینا اعتراضی اولمادیغینی دا وورغولادی.
باشقا بیر طرفدن، آمریکانین
رهبرلیینده اولان ائتلافین وئردیی آچیقلامادا افغانستانین غربینده کی بیر هاوا
هجوموندا 8 نفر یئرلی وطنداش حیاتینی ایتیردی. یئرلی رسمیلر هجومدا دؤردو قادین،
بئشی اوشاق 9 نفرین اؤلدویونو سؤیله ییر.
انترنت دن پروگراملار
بو مقاله نی ای ميل ائدين
چاپ اوچون متن
