آمريکانين پرزيدنتی جورج بوش بيلديريب کی، ايرانين آتم سيلاحينا يييه لنمه سينه اجازه وئريلمه سی "گلن نسيل لره باغيشلانيلماز خيانت اولاردی."اسرائيلين دولتی نين قورولماسينين 60-جی ايلدونومو مناسبتی ايله

President Bush addresses the Knesset in Jerusalem, 15 May 2008

کئچيريلن مراسيمه قاتيلان پرزيدنت بوش اسرائيل پارلمانينداکی چيخيشيندا سويله ييب کی،  دونيا صلح اوچون ايرانين آتم سيلاحينا صاحيب لنمه سينه مانع اولمالی دير. او ئوز چيخيشيندا ايرانین ترورا دستک وئرن لرين باشيندا گئتديينی بيان ائديب. پرزيدنت بوش  اسرائيل و آمريکا آراسينداکی متفق ليين سارسيلماز اولدوغونو  قيد ائديب. او "واشينگتون يهودی دولتی ايله علاقه لرينی کسرسه اونون اورتا شرقده کی بوتون چتين ليک لری آرادان قالخاجاق" کيمی دئييم لرين يانليش اولدوغونو وورغولاييب. آمريکا پرزيدنتی نين سويله ديينه گوره،  القاعده، حماس و حزب الله کيمی اکستريميست تشکيلاتلار "اورتا شرقده کی مسلمانلارين اونلارين هدف لرينين عدالت سيز اولدوغونو درک ائتدييندن " مغلوب ائديله جک. جناب بوش اسرائيل و فلسطين ليلری آرالارينداکی اختلاف لاری حل ائتمه يه چاليشماغا و بو ايلين سونونا دک صلح مقاوله سينين الده ائديلمه سينه چاغيريب. جناب بوش پارلمانداکی چيخيشيندان قاباق ماسادا بولگه سينده اولوب. ماسادا ئولو دنيزين قارشيسيندا يئرلشن تاريخی بير يئردير. يهودی لر اينانير کی، 2000 ايل قاباق کوله- قول اولماقدانسا ئولومو سئچن يهودی عصيانچيلار بو يئرده انتحار ائديبلر. اسرائيلدن عربستانا و مصره يوللانماغی پلانلاشديران پرزيدنت بوش ملک عبداله، حسنی مبارک و محمود عباس لا آيری- آيری گوروشلر کئچيره جک.