واشنگتوندان باخيش : ايراندا قادينلارا قارشی تضييق لر
"واشنگتوندان باخيش"- آمريکا حکومتی نين رسمی سياستی نين شرحی دير
بوتون دونيانين مارچين 8- ده بين الخالق قادينلار گونونو قيد ائتمه يه حاضيرلاشديغيی بير حالدا ايران حکومتی برابر حاقلار اوغروندا دين مبارزه سی ايله مشغول اولان قادينلارين محاکمه سينی داوام ائتديرير.
ئوز ئولکه سينده جنسی برابرليک اوغرونداکی فعاليت لرينه گوره تهراندا چاليشان ژورناليست و انسان حاقلاری مدافعه چيسی پروين اردلان کئچن هفته اولاف پالمه جايزه سينه لاييق گورولدو. آنجاق ايران
 |
| پروين اردلان |
حکومتی اونا سوئده سفر ائده رک جايزه سينی تحويل آلماق اجازه سی وئرمه ييب. هاوا ليمانيندا(فرودگاه) خانيم اردلانين پاسپورتوآليناراق اونون استکهلم شهرينه پلانلاشديريلان اوچوشونون قارشيسی آلينيب. خانيم اردلان ايرانين آيری سئچکی لييی تامين ائدن قانونلارينين ده ييشديريلمه سی مقصدی ايله بير ميليون مضا توپلاماق يونونده فعاليته باشلايان حرکاتين تاسيس چيلريندن دير. او 2006-جی ايلين جولای آيينداکی اعتراضين تشکيلينده اشتراک ائتديينه گوره ئولکه نين ملی تهلوکه سيزليينه قارشی جهدده گوناهلانديريليب.او ئوزونه قارشی چيخاريلميش 6 آی حبس (30 آی تعليق له) قرارينا قارشی اعتراضلا چيخيش ائديب.
ان سون مصاحبه سينده خانيم اردلان بيلديريب کی، " بيز(قادين حقوق مدافعه چيلری)بيليريک کی، بونون باهاسينی ئوده مه لييک." آنجاق او دئيير کی، هدف چوخ ئونملی دير." من آيری سئچکی لييه معروض قالانلار اوچون داها ياخشی شرايطين اولدوغو، انسان سئور بير جمعيت ايسته ييرم !"
ايرانلی انسان حاقلاری مدافعه چيسی و صلح جايزه سينين صاحبی شيرين عبادی ايرانين بير سيرا قانونلارينين اونون ايفاده سينجه دئسک "عدالت سيزلييی قانونی لشديرديينی" بيلديرير. او يازير. " ايراندا بير قادينين محکمه ده کی حقوقو، بير کيشی نين حاققی نين ياريسی قدردير. بير کيشی نئچه خانيملا ائوله نه بيلر،
 |
| ساچی گوروندويونه گوره پليس طرفيندن دويولن ايرانلی قادين. |
جاوان قيزلار ايسه آتالارينين ايسته يی ايله ياشلی کيشی لرله ائولنمه يه مجبورائديليرلر. قادينلارا قارشی داشقالاق حوکم لرين چيخاريلماسی آشيری (افراط)حدده دير … بيز پارچالانميش، اجتماعی تعصب و عدالت سيزليين قانونی لشديريلدييی بير ميلت- يک." شيرين عبادی دئيير کی،ايران، بو ئولکه ده کی آيري سئچکی لييی تامين ائدن قانونلارين ده ييشديريلمه سی اوغوندا مبارزه آپاران قادين لارلا غرور دويمالی دير. آنجاق " عوضينده" رسمی لر اونلاری حبس ائتمه يه چاليشير… 10لارلا قادين حقوق مدافعه چيسی يا حبس قرارلاری ايله اوزلشمکده و يا آرتيق بارماقليقلار(نرده) آرخاسيندادير."
ايرانلی يازيچی آذر نفيسی ايسه دئيير کی،ايران دولتينين قادين حاقلاری فعاللارينا تضييق لرينه قارشی اعتراض ائتمک دونيانين باشا- باشيندا ياشايان بوتون آزاد انسانلارين وظيفه سی دير.
"قوی ايران رژيمی بيلسين کی، دونيا بونو بيلير و دونيا بونا دوزومله ياناشماياجاق." دئيه ،آمريکانين دولت دئپارتمنتی نين سوزچوسو شان مک کورمک ئوز آچيقلاماسيندا بيلديريب."(دونيا) ئورکلی ليک له ئوزلرينين بين الخالق حاقلاری، عدالت اوغروندا مبارزه آپاران قادينلارلا بيرليکده دير.
" سيز "واشنگتوندان باخيش" لا تانيش اولدونوز
انترنت دن پروگراملار
بو مقاله نی ای ميل ائدين
چاپ اوچون متن
