بو " واشنگتوندان باخيش" دير.

 ايرانلی- آذربايجانلی انسان حاقلاری مدافعه چيسی عباس ليسانی نين دوستلاری و ياخينلاری اونون حياتيندان

عباس ليسانی

نگرانديرلار. ياييلان معلوماتلارا گور، او ساخلانيلديغيی اردبيل ياخينليغيندا يئرلشن اهر شهری حبس خاناسيندان ايرانين مرکزينده يئرلشن يزد شهری حبس خاناسينا سورگون ائديليب.

عباس ليسانی نين خانيمی روقيه ايسه دئيير کی، اونون اری نين يزد شهر حبس خاناسينا کوچورولمه سی قانونسوزدور. اونون دئديينه گوره، سورگونه مقاومت گوسترن عباس لسانی حبس خانا مامورلاری طرفيندن پيس وضعيتده دويولوب. اونون دوستلاری اينانير کی، جناب ليسانی نين کوچوردولمه سی، اونو داها دا تکله مک(تجريد ائتمک) و داها چوخ اينجيتمک مقصدی داشيير. رژيمين قانونسوز رفتارلارينا اعتراض علامتی اولاراق جناب لسانی آجليق اعتراضينا باشلاييب.

 آمريکا سسی نين آذربايجان سرويسينه مصاحبه سينده خانيم ليسانی دئييب کی، ايرانلی- آذربايجانلی لار ئوز انسان حاقلاری اوغروندا مبارزه نی دوام ائتديره جکلر:" اونلار( ايران رژيمی) بيزی سينديرا بيلمه يه جک. اگر اونلار عباسی عومرونون سونونا دک زنداندا ساخلاسا دا، بيز اونو هر زامان مدافعه ائده جه ييک و اونلار بيزی سينديرا بيلمه يه جک."

 ايراندا انسان حاقلارينين وضعيتی ايله باغلی آمريکانين دولت دئپارتمنتی نين يايديغی ان سون حساباتدا دئيلير، "2006-جی ايلين ژوئن آييندا امنيت رسمی لری بير اعتراض ميتينگی نين آردينجا آذری فعال عباس ليسانی- نی حبس ائده رک اونو "دولت سيستمينه قارشی قوه لرله ايش بيرليينده" اتهام ائديبلر. آمنستی اينترنشنال-بين الخالق عفو تشکيلاتی نين معلوماتينا گوره 2006-جی ايلين سپتامبريندا ليسانی 16 آی حبس و 50 شلاق جزاسينا محکوم ائديلميشدی."

تهلوکه ده اولان باشقا بير ايرانلی –آذربايجانلی ايسه رضا داغستانی دير. او آذربايجان تورکجه سی و فارسجا

رضا داغيستانی

نشر اولونان "چنلی بئل" ئويرنجی(دانشجو) درگی سينين يازاری دير.او آذربايجان تورکجه سینين تدريسی اوزره معلم دير و21 فئورال- بين الخالق آنا ديلی گونونون قيد ائديلمه سی ايله باغلی دينج تدبيرلرين کئچيريلمه سينده رول اويناييب. آمنستی اينترنشنالين بيلديرديينه گوره، جناب داغستانی فئورالين 21-ده اورميه ده دوغما ائوينده حبس اولونوب.

 آمنستی اينترنشنال اونون"ايرانلی آذربايجانليلارين حقوقلاری اوغروندا دينج فعاليت لرينه گوره حبس ائديلديينه و وجدان محبوسو" اولدوغونا  اينانير. آمنستی اينترنشنالين رسمی لری همده اونون شکنجه تهلوکه سی آلتيندا اولدوغونا اينانير.

 آمريکانين دولت کاتبی کانداليزا رايس دئيير، " دونيانين بوتون بولگه لرينده کيشی لر و قادينلار چوخ حالدا ئوزلری و عائيله لرينه قارشی تهلوکه آلتيندا،انسان حاقلارینی و ايلکين آزادليق لارينی مدافعه ائتمک ، وجدانلارينی ايزله مک و ئوز دوشونجه لرينی قورخمادان سويله مک، اونلاری اداره ائدنلری سئچمک، ئوز ليدئرلرينی مسئول توتا بيلمک، قانون چرچيوه سينده عدالتلی برابرليين تامين ائديلمه سی اوغروندا مبارزه آپارماقداديرلار." او دئيير." آمريکاليلار اينانير کی، بو جسارتلی کيشی لر و قادينلاری مدافعه ائتمک بيزيم وظيفه ميزدير."

سيز "واشنگتوندان باخيش"لا تانيش اولدونوز.