روسيه دن ايرانا گونده ريلن آتم تجهيزاتلاريندان عبارت يوکون آذربايجاندا ساخلانيلماسی ايران- آذربايجان آراسيندا جدی گرگين ليک لره سبب اولوب. آذربايجانين گمروک رسمی لری آتم تجهيزاتيندان عبارت يوک باره ده روسيه رسمی لرينين آذربايجان حکومتينه گئنيش معلومات وئرمه لی اولدوغونو بيلديرميشديلر. بو گون روسيه بيلديريب کی، 1 آی قاباق آذربايجان گمروکو طرفيندن ساخلانيلان آتم تجهيزاتی باره ده آرتيق آذربايجان رسمی لرينه معلومات چاتديريليب. روسيه نين باکی دا کی سفيری واسيلی استراتوف دئييب کی، ايرانا گونده ريلن يوک، ايرانين بوشهر آتم راکتورونا لازيم اولان ايستی ليک قوروجولاریندان(عايق) عبارت دير. او، آذربايجان طرفینين نين يوکون ايرانا بوراخيلماسينا اوميد ائتديينی بيلديريب . آذربايجان گمروک ايشچی لری 29 مارچ-دا ايرانا گئدن آتم تجهيزاتيندان عبات يوکلری ساخلاياراق، اونلارين ب م ت نين ايرانا قارشی تحريم لرينه عاييد اولوب- اولماديغينی ئويرنمک ايسته ديکلرينی سويله ميشديرلر. آذربايجانين خارجی ايشلر ناظری نين معاونی آراز عظيموف يوکون ساخلانيلماسينين يالنيز تکنيکی سبب لرله باغلی اولدوغونو دئييب.