آذربايجان رسمی لرينين دئديينه گوره، ئولکه ده داغيديجی عملياتلار آپارماق اوچون گيزلی اولاراق گلن ارمنستان خصوصی قوه لرينين 4 عسگری اسير گوتورولوب. ارمنستان فورا بيلديريب کی، حبس ائديلن لر يوللارينی آزاراق آذربايجان اراضی سينه گيريبلر. آذربايجان مدافعه ناظرلييی نين سوزچوسو بيلديرير کی، ناخجيوان موختار جمهوری سينده باش وئرن حادثه ايله باغلی آراشديرما آپاريلير. آذربايجان طرفی حادثه ايله باغلی گئنيش معلومات وئرمير. بو آرادا، ارمنستان مدافعه ناظرلييی نين سوزچوسو دئييب کی، توتولان شخص لر مرز بولگه سينده کی بير کندده اولان دوستلارينا باش چکيب، قاييدارکن يوللارينی آزاراق ناخجيوانا تورپاغينا گيريبلر.