آذربايجان روسيادان ايرانين بوشهر آتم تاسيساتينا گونده ريلن يوکو بير آی ساخلاديقدان سونرا بو گون مرزدن بوراخيب.آذربايجان رسمی لری دئيير کی، يوک بو گون ايرانلا مرزده کی گمروک منطقه سيندن کئچيب. رسمی باکی بو آدديم هفته نين اولينده يوک له باغلی روسيادان گئنيش معلومات آلديقدان سونرا آتيب. آذربايجان گمروکو يوکو مارچين 29-دا ايران مرزينده ساخلاياراق بيلديرميشديرلر کی، بونون ب م ت نين ايرانا قارشی تحريم لرينی پوزماديغيندان آرخايين اولماق ايسته ييرلر. ايران شيمال قونشوسوندان يوکو بوراخماغی ايسته ييردی. آذربايجان ايسه يوکون بوراخيلماسينین روسيه نين گئنيش آچيقلاما وئرمه سيندن آسيلی اولدوغونو دئييردی.