آمريکانين سومالی نين مرکزينده گرچک لشديردييی هاوا هجومو نتيجه سينده اسلامچی ياراقلی لارين يوکسک سويه لی ليدئرلری هلاک اولوب. اسلامچی الشهاب گروهونون سوزچوسونون دئديينه گوره، دوساماريب شهرينده باش وئرميش هجوم نتيجه سينده عدن هاشی آورو و داها بير يوکسک سويه لی ليدئر هلاک اولوب. شاهيدلرين بيلديرديينه گوره آمريکا طياره لرينين هاوا هجومو آزی10  آدامين حياتينا سون قويوب. يادا سالاق کی، مارچ آييندا آمريکانين دولت دئپارتمنتی الشهاب گروهونون تروريست گروهلار ليستينه ساليب. بو گروه اسلامچی محکمه لر بيرلييی آدلی تشکيلاتين سيلاحلی قانادی ساييلير. اونلار 2006-جی ايلده قيسا مدت اوچون سومالی نين گونئی بولگه لرينی کنترولدا ساخلاييرديلار. سون آیلاردا الشهاب سومالی حکومتی و اتيوپی عسگرلرينه قارشی بمبالی هجوملارين مسئوليتينی اوزه رينه گوتوروب.