زيمبابوه دموکراتيک ده ييشيک ليک حرکاتی نين باشچيسی مورگان تسوينگرای پرزيدنت سئچکی لرينين رسمی نتيجه سينی قبول ائتمه يه جه يينی دئيير. حراره ده کئچيريلن قاپالی گوروشه قاتيلان قايناقلارين وئردييی مع لوماتا گوره سئچکی لرين حقيقی نتيجه سينه گوره مورگان تسوينگرای 47.8 فائيز سس له پرزيدنت موگابی يه غاليب گليب. موگابی نين 43.2 فائيز سس يغديغی ادعا اولونور. ئولکه نين سئچکی کميسيونو ايسه هله ده پرزيدنت سئچکی لرينين رسمی نتيجه لرينی آچيقلاماييب. مخالفت بيلديرير کی، حکومت پرزيدنت موگابی نين پرزيدنت سئچيلبديينی تامين ائدن آچيقلاما وئرمه يه حاضيرلاشير. آمريکانين دولت دئپارتمنتی نين سوزچوسو تام کئيسی "منطيق سيز" يوباديلمالارا گوره سئچکی نين رسمی نتيجه لرينين اينانيلا بيليرليک سويه سی آشاغی اولاجاق. سوزچو همده موگابی نين مخالفت طرفدارلارينا قارشی هجوم امری وئرمه سينی قيناياراق، " موگابه " ئوزايت لرينی گئری چاغيرمالی دير!" بياناتی ايله چيخيش ائديب. بين الخالق تضييق لره باخماياراق بريتانيانين کئچميش مستعمره سی اولان زيمبابوه حکومتی هله ده پرزيدنت سئچکی لرينين نتيجه لرينی آچيقلاماييب.