روسيه نين خارجی ايشلر ناظری نين دئديينه گوره دونيانين 6 گوجلو ئولکه سی ايراندان ايسته يير کی، "يالنيز"دانيشيقلارزامانی آتم فعاليت لرينی دايانديرسين. شنبه گونکو آچيقلاماسيندا روسيه نين خارجی ايشلر ناظری سرگئی لاوروف بيلديريب کی، ايرانا آتم فعاليت لری ايله باغلی دانيشيقلارا قاتيلماغين هانسی امتيازلارا گتيريب- چيخاراجاغينی آچيقلاماق واجب مسئله دير. ب م ت نين 5 دائيمی عضوو+آلمانين اشتراکی ايله لندن-ده کئچيريلن اجلاسين آردينجا مسکودا آچيقلاما وئرن جناب لاوروف دئييب کی، 6 ئولکه ايرانا قارشی يئنی تحريم لرين تطبيق ائديلمه سی باره ده مذاکره آپارماييب. او 2006-جی ايلده ايرانا تکليف اولونان امتيازلارين گئنيش لنديريلمه سی باره ده راضيليغا گلينديينی سويله سه ده تکليف لرين نه دن عبارت اولدوغونو دئمه ييب.