انگلستانین باش وزیری قوردون براون (Gordon Brown)، ایشچی حزبی‌نین سون 40 ایلین ان بؤیوک محلی سئچکی‌ مغلوبیتی‌نین تاثیریندن قورتولا بیله‌جه‌یینی دئدی. باش وزیر حزبی‌نین محلی سئچکی‌لرده‌ الده ائتدیی مغلوبیت‌ین دونیا اقتصادینداکی ضعیفله‌مه‌دن تاثیر آلدیغینی بیلدیردی. او، دونن ژورنالیست‌لره بیلگی وئره‌رکن بوگونکو چتین اقتصادی شرایطده خالقا یاردیمچی اولماغا اوستونلوک وئره‌جه‌یینه تاکید ائتدی.

انگلستانین باش وزیری دئدی کی، کئچن ایل حکومت بعضی سهولر ائدیب و بو سهولردن بیری وئرگی ده‌ییشیک‌لیکلری‌دیر.

پنجشنبه گونو محلی سئچکی‌لرده مخالفت‌ده‌کی محافظه‌کارلار 44 فایز، ایشچی حزبی ایسه 24 فایز رای آلدی. لندن شهرداری باشچی‌لیغینی محافظه‌کار حزبین عضوو بوریس جانسون قازاندی.