سوئیس شرکتی اولان نستله آذربایجا‌ن‌دا صبحانه پاکتی ایله بیرلیکده پایلادیغی سی‌دی‌لرده‌کی ارمنستانلا باغلی ایفاده‌لری ایله آذربایجانلی‌لاری عصبانی ائتدی.

بی‌بی‌سی‌نین خبرینه گؤره، نستل دونیا ئولکه‌لرینی تانیدان سی‌دی‌سینده داغلیق قاراباغی ارمنستان تورپاغی آدلاندیریب و آذربایجانین ارمنستانا ساواش آچدیغینی دئییب. بو سی‌دی‌لره باخان آذربایجانلی‌لار بو شرکتی بایکوت ائتمه‌یه چاغیریبلار. آذربایجان حکومتی ده  موضوع ایله باغلی حرکته کئچمه‌یه سؤز وئریب.

نستله، آذربایجاندان عذر ایسته‌دی و سی‌دی‌لری بازاردان چیخارتدی. آنجاق بودا آذربایجانلی‌لارین ناراحاتلیغینی سؤندورمه‌دی.