بیرلشمیش ملت‌لر تشکیلاتی‌نین دبیرکل‌لو بان کی مون دونیادا یئیه‌جک ماده‌لری‌نین قیمتی‌نین یاراتدیغی بحرانی حل ائتمک اوچون بیر اکیپ قوردو.

تشکیلاتین نیویورک‌داکی مرکزینده دانیشان بان‌کی مون دئدی کی، یئیه‌جک قیمت‌لری‌نین گتیردییی بحران، تجارت، اجتماعی و سیاسی ساحه‌ده‌کی گلیشمه‌لره تاثیر ائده بیلر. او آرتیردی کی، آرتان یئیه‌جک ماده‌لری‌نین قیمت‌لری میلیونلارجا انسانی ئولوم-قالیم ساواشی ایله اوز به اوز ائده بیلر.

دبیرکل قید ائتدی کی، بیرلشمیش ملت‌لر تشکیلاتی  تغذیه چتین‌لییی اورتایا چیخان منطقه‌لرده اکینچی‌لیک کیمی مسئله‌لرین حل اولماسینا اولویتده  وئره‌جک.

بان کی مونون یاراتدیغی اکیپ، بحرانین اساس سبب‌لرینی آراشدیراجاق و حل یوللاری تکلیف ائده‌جک.