آمریکا پرزیدنتی جورج بوش بوگون آغ ائوده پاناما پرزیدنتی مارتین توریحوسو قبول ائدیر. رهبرلر قارشیلیقلی تجارت علاقه‌لری، غرب یاریم کوره‌سینده آزاد تجارتین گئنیش‌لندیریلمه‌سی، دموکراسی‌نین محکم‌لندیریلمه‌سی و اقتصادی گلیشیم کیمی بیر سیرا مهم مسئله‌لری مذاکره ائده‌جکلر.

پاناما و آمریکا کئچن ایلین ژوئن آییندا تجارتله باغلی راضیلیق الده ائدیبلر. پرزیدنت بوش کنگره‌نی بو راضیلیغی تصدیق ائتمه‌یه چاغیریر. بو کیمی راضیلیق‌لار کلمبیا و جنوبی کره ایله ده الده ائدیلیب. آغ‌ ائوین آچیقلاماسیندا دئییلیر کی، پاناما پرزیدنتی‌نین آمریکا سفری ئولکه‌لر آراسیندا درین دوستلوق و سیخ امکداشلیغین نمونه‌سیدیر.