آمریکا و روسیه رسمی‌لری دئییرلر کی، بوگون مسکودا ولادیمیر پوتین‌ین پرزیدنت‌لیی‌نین سون گونو ئولکه‌لر آراسیندا دینج ماهیتلی اتم امکداشلیغی امضالاناجاق. راضیلیق آمریکا و روسیه‌یه اورانیوم و باشقا هسته‌ای ماده‌لری احتیاطی‌نین ساخلانماسی  داخیل اولماقلا مختلف ساحه‌لرده  شاخه‌لنمیش امکداشلیق ائتمه‌‌یه امکان وئره‌جک.

راضیلیق ائله‌جه‌ده هر ایکی ئولکه‌نی تهلوکه‌سیز راکتور تکنولوژیسی اوزه‌رینده بیرگه ایشله‌مه‌یه چاغیریر. روسیه رسمی‌لری "رویترس" خبر مرکزینه بیلدیریبلر کی، راضیلاشمانین جناب پوتین‌ین پرزیدنت‌لیی‌نین سون گونو امضالانماسی سمبولیک کاراکتر داشیییر.