دونن کئچیریلن شمالی کارولینا اؤن سئچکیلرینی قازانان دموکرات حزبینه باشچیلیق نامزدی سناتور باراک اوباما، دموکرات حزبی ایچینده بیرلیک یاراتماغا چاغیردی. ایندیاناداکی اؤن سئچکیلرین نتیجهسی ایسه هله قطعی بیلینمهییر. اما باراک اوباما بو ایالتده ده هیلاری کلینتوندان چوخ رای قازاناجاغینی دئیهرک اؤزونه تبریک دئدی.
شمالی کارولینادا قازاندیقدان سونرا دانیشان اوباما، اؤزونو، جمهوریتچی حزبین باشچیلیق نامزدی اولماسی گؤزلهنن سناتور جان مککین ایله مقایسه ائتدی. اوباما مککینین عراق، اقتصادی و انرژی سیاستلرینده پرزیدنت بوشا یاخین اولدوغونا تاکید ائتدی.
دموکرات حزبینین باشچییلق نامزدینی تعین ائدهجک اؤن سئچکیلر بیر آی ایچینده باشا چاتاجاق. بوتون دقتلر، 3 ژوئنده، قالان بئش ایالتده کئچیریلهجک اؤن سئچکیلردهدیر. بو سئچکیلرده سناتور هیلاری کلینتونون مسابقهده قالا بیلمک اوچون لازیمی رای آلیب آلمایاجاغی بؤیوک اهمیت داشیییر. آئلهجهده مسابقهده ایندیکیلده قاباقدا اولان باراک اوبامانین دا سئچیله بیلمک اوچون رای آلیب آلمایاجاغینی، گئری قالان اؤن سئچکیلر تعین ائدهجک.
انترنت دن پروگراملار
بو مقاله نی ای ميل ائدين
چاپ اوچون متن
