بینالخالق یاردیم تشکیلاتی، برمهده کئچن شنبه گونوکو قاسیرغادان تاثیرلهنن منطقهلره انسانی یاردیم داشیماقدا چتینلیک چکیر. بیرلشمیش ملتلر تشکیلاتی تغذیه مسئلهسیندن مسئول اولانلار، برمهدهکی نظامی حکومتدن ویزا آلا بیلمک اوچون هلهده گؤزلهییرلر. 22 مین 500 انسانین ئولومونه سبب اولان نرگیس قاسیرغاسی عینی زاماندا یوللارا دا خسارت وئردییی اوچون ئولکهده گئت-گل دایانما نقطهسینه گلیب.
دیگر طرفدن نظامی هلیکوپترلرین بعضی کندلره یئیهجک و ایچمه سویو آپاردیغی دئییلدی. دونیا تغذیه برنامهسینین بیر نمایندهسی، آمریکانین سسینه وئردییی آچیقلامادا، برمهده ان آز بیر میلیون انسانین ائوسیز قالدیغینی سؤیلهدی. نظامی دولت، 41 مین انسانین هله ایتیب تاپیلمادیغینی آچیقلادی.
بینالخالق قیزیل خاچ قورولوشو، نرگیس قاسیرغاسینین، 1991-دن بویانا ان چوخ جان و مال ایتکیسینه یول آچان فیرتینا اولدوغونو دئدی.
انترنت دن پروگراملار
بو مقاله نی ای ميل ائدين
چاپ اوچون متن
