نینو بوراجاندزه

واشینگتن دا یئرلشن کارنگی بین الخالق صلح مرکزینده "گورجوستان بروکسل له بخارست آراسیندا" آدلی تدبیر کئچیریلیب. تدبیرین دئمک اولار کی، اکثر حصه سی آمریکادا سفرده اولان گورجوستان مجلسی نین سؤزچوسو نینو بورجانادزه نین معروضه سینه حصر ائدیلیب.
روسیه - گورجوستان آراسیندا کی سون مناقشه، خانیم بورجاناندزه نین چیخیشی نین اساس حصه سینی
تشکیل ائدیب.
گورجوستان ناتو-یا عضولوک پلانی حاقدا دانیشان سؤزچو دئییب کی، ناتونون عضوو و روسیه ایله یاخشی مناسبتلری اولان بیر چوخ ئولکه وار. گورجوستانین ناتویا عضو اولماسی بئله روسیه اوچون هده دئییل.
نینو بوراجاندزه همچنین سون بیر نئچه ایلده ئولکه ده گئدن سیاسی دئیشیکلردن دانیشیب. دؤولت چیلیک ساحه سینده آتیلاجاق آددیم لاردان دانیشان خانیم بوراجاندزه آزاد سئچکی لر، گوجلو دموکراتیک تاسیساتلار، عدالت لی کیمی سوسیال مساله لرین حللینی گورجوستان اوچون بویوک اهمیت کسب ائتدیینی یورغولاییب.