هلمنددن آلینان گزارشلره اساسا، بو ولایتده آغیر بیر نظامی عملیاتدان سونرا مینلر عاییله ائولرینی ترک ائتمک مجبوریتنیده قالدیلار. رسمیلرین دئدیینه گؤره، ائوسیز عاییلهلر یئیهجک چتینلییی و یاشاماق اوچون مناسب یئر مسئلهسی یاشاییرلار.
شاهدلرین دئدیینه گؤره، بو عملیات کئچن گون ایستی ولسوالی بؤلگهسینده باش وئریب و ایندییه قدر دوامی وار. چاتیشما، کئچن هفته آمریکا قووهلرینین طالبانی ولسوالیدن ائشییه چیخاردیقلاری حالدا باش وئریر. اما ایندی آمریکا قووهلرینین ولسوالییه گیرمهسیندن 3 گون سونرا بو قووهلرله طالبان آراسیندا چاتیشما یئنیدن باشلاییب.
طالبان ولسوالینین بوتون بؤلگهلرینه کنترولو اولدوغونو ادعا ائدیر.
ولسوالی افغانستان و پاکستان آراسیندا مرزی بیر بؤلگهدیر. بورا همیشه خارجی قووهلرله طالبان آراسیندا چاتیشمالارا صحنه اولوب.
ولسوالی سون ایکی ایلده طالبانین کنترولوندا اولوب اما کئچن هفته آمریکا قووهلری طالبانی ولسوالیدن چیخاردیقلارینی آچیقلادیلار.
انترنت دن پروگراملار
بو مقاله نی ای ميل ائدين
چاپ اوچون متن
