آمریکانین خارجی ایشلر وزارتی، سودانین دارفور بؤلگه‌سینده دوزنله‌دییی و ان آز 12 نفرین ئولومونه سبب اولان هاوا هجوملارینی قینادی. وزارت سؤزچوسو شان مک‌کورمک، سودان حکومتینی، دارفورون شمالیندا بیر مدرسه و بازار یئری کیمی سیویل هدفلری بمباران ائتدییی اوچون نتقید ائتدی.

مک‌کورمک آیریجا سودان حکومتی‌نی و بوتون سیلاحلی گروهلاری، باریش‌سئور بیر حل یولو آختارماغا چاغیردی.

یاردیم تشکیلاتلاری، سودان اوردوسونا عاید بیر طیاره‌نین دارفورون شمالیندا بیر کندی بمباران ائتدیینی، 6-سی اوشاق 12 نفرین ئولدویونو آزی 30 نفرین ده یارالاندیغینی دئدیلر.

سودان اوردوسو، هر هانسی بیر آچیقلاما وئرمه‌دی و ئولکه‌ده‌کی بیرلشمیش ملت‌لر تشکیلاتی وظیفه‌لیلرینی یارالیلارا یاردیم ائتمه‌یه چاغیردی.