عراقدا انتحار عملیاتی دوزنله‌ین کویت وطنداشی‌نین، آمریکانین ترور شوبهه‌لی‌لرینی ساخلادیغی گوانتانامو زندانیندان آزاد ائدیلن‌لردن بیری اولدوغو آچیقلاندی.

عبدالله صالح العظمی‌نین کئچن آی موصل‌ده دوزنله‌نن اوچ انتحار هجومونون بیرینجی‌سینده مسئولیت داشیدیغی قید ائدیلیر. هجومدا 7 نفر حیاتینی ایتیرمیشدی. آمریکانین دفاع وزارتی گوانتانامودان آزاد ائدیلن‌لردن 13-نون، یئنیدن ترور تشکیلاتی‌نین صف‌لرینه قوشولدوغونو دئییر.

آمریکالی رسمی‌لر 2005 ایلینده عظمی‌نی کویته گئری وئرمیشدی. کویت حکومتی شوبهه‌لی‌نین بیر داها تهدید اولمایاجاغینا گارانتی وئرمیشدی. آمریکالی رسمی‌لره گؤره، عبدالله صالح العطمی سوریه یولو ایله عراقا کئچدی.