پرزیدنت بوش، نفت قیمت‌لرینی یئندیرمک اوچون سعودی عربستاندان تولیدی چوخالتماسینی ایسته‌یه‌جک. آغ ائو ملی تهلوکه‌سیزلیک مشاوری استفن هادلی، پرزیدنت‌ین گلن هفته سعودی عربستانی زیارتی سیراسیندا طلبی چاتدیراجاغینی قید ائتدی. هادلی دئدی کی، نفت تولید ائدن ئولکه‌لر قیمت‌لری و تولید سوییه‌لرینی بللی ائدرکن، مشتری‌لرین اقتصادی شرایطینه ده دقت یئتیرمه‌لیدیرلر.

بو آرادا، نفت قیمتلری دونن یئنی بیر رکورد سیندیردی. بیر بوشکه خام نفت نیویورک بازاریندا 123 دلار 80 سئنته ساتیلدی.

پرزیدنت بوش سعودی عربستاندان ژانویه آییندا تولیدی آرتیرماسینی ایسته‌میشدی. آنجاق ریاض و باشقا اوپک ئولکه‌لری بازاردا یئترلی قدر نفت اولدوغونا اشاره ائده‌رک تولیدی چوخالتمایاجاقلارینی آچیقلادیلار.