آمریکالی حربی رسمی‌لر، عراقداکی القائده رهبری‌نین توتولما خبرینی یالانلادیلار. عراق ایچ ایشلری وزارتی‌نین سؤزچوسو ژنرال عبدالکریم خلف، ابوهمزه المهاجر آدی ایله تانینان  ایوب المصری‌نین موصل‌ده توتولدوغونو اعلان ائتمیشدی.

مصر وطنداشی اولان المصری ، 2006-جی ایلین ژوئن آییندا آمریکانین هاوا هجوموندا ئولن ابومصیب الزرقاوی‌نین یئرینه کئچمیشدی. المصری‌نین کئچن ایل مه آییندا بغدادین شمالینداکی چاتیشمالاردا ئولدورولدویو ادعا ائدیلمیشدی.اما تروریست رهبر یایدیغی سس فایلی ایله ساغ اولدوغونو اعلان ائتمیش و یئنی هجوملار دوزنله‌یه‌جک دئیه تهدید ائتمیشدی.