آمریکا روسیه‌نین ایکی دیپلماتی‌نین اخراج ائدیلمه‌سی‌نین ایکی ئولکه آراسیندا بیر گرگین‌لیک اولدوغو معناسیی وئرمه‌دیینی بیلدیردی.

روسیه ایکی آمریکا حربی نماینده‌سیندن 28 آپریله قدر روسیه‌نی ترک ائتمه‌لرینی ایسته‌میشدی. آمریکانین خارجی ایشلر وزیری‌نین سؤزچوسو شان مک‌کورمک دسامبر آییندان بویانا قارشیلیقلی اولاراق روسیه دیپلماتلاری‌نین آمریکادان چیخاریلدیغینی قید ائتدی.

مک‌کورمک ایکی حربی آتشه‌نی روسیه‌دن چاغیردیقلارینی، آمریکانین عینی ایشی گؤرمه حاققینا صاحب اولدوغونو، اما بو موضوعدا بیر ایش گؤرولمه‌سینین گؤزله‌نمه‌دیینی آچیقلادی.