لبنانین رئیس جمهورو فواد سنیوره، بیروتون غربینین حزب الله قووهلری طرفیندن تصرف اولماسینا گؤره دئدی کی، بو شیعه گروهون لبنان ملتی علیهینه ساواش باشلاتماسینا اجازه وئرمهیهجک.
لبنانین باش وزیری حزباللهین لبنانداکی دموکراسینین علیهینه سیلاحلی کودتا باشلادیغینی دیله گتیردی و آرتیردی کی، حزباللهین سیلاحلاری لبنانلیلارین آراسیندا دانیشیق یولو ایله حل اولونمالی بیر مسئلهدیر. سنیوره بیروتو اشغال اولونموش آدلاندیراراق، ئولکهنین توطئهچیلر الینه دوشمهینه ایزین وئرمهیهجک دئدی. او، تلویزیوندان یاییلان دانیشیغیندا دئدی کی، لبنان دولتی حزب الله قووهلری ایله دولت طرفداری یاراقلیلار آراسینداکی 3 گونلوک چاتیشما ایله سقوط ائتمهییب اؤز ایشینه دوام ائدهجک.
جناب سنیوره ائلهجهده ئولکه اوردوسوندان مملکتده امنیت و گوونلیک یاراتمالارینی، یاراقلیلاری بیروت کوچهلریندن چیخاریب تمیزلهمهلرینی ایستهدی. بو دانیشیقدان بیر آز قاباق لبنان حزباللهی اؤز قووهلرینی بیروتون غربیندن ائشییه چیخاردی، اما هله ده بعضی چاتیشمالار دوام ائدیر.
چاتیشمالاردا 18 نفر حیاتینی ایتیریب. سیلاحلی دستهلر بیر سنی عاییلهدهکی دفن مراسیمینه قاتیلانلارا آتش آچیبلار و آزی 2 نفرین حیاتینا سون قویوبلار.لبنانبن قوزئیینده ده 3 نفر چاتیشمالاردا حیاتینی ایتیریب.
آمریکانین خارجی ایشلر وزیری، کاندولیزا رایس، ایران و سوریهنین بو عملیاتلاردا اللری اولدوغونو دوشونور.
انترنت دن پروگراملار
بو مقاله نی ای ميل ائدين
چاپ اوچون متن
