عراقین رادیکال روحانیسی مقتدی الصدرین معاوینی دئییر کی، تشکیلات بغدادین صدر بؤلگه‌سینده حکومت قووه‌لری ایله آتش‌کسه نایل اولوب. یاردیمچی آتش‌کس حاقدا بیلگی‌لری بو گون نجف شهرینده بیان ائدیب. صلاح العبیدی‌نین سؤزلرینه گؤره، راضیلیق بازار گونوندن قووه‌یه مینه‌جک. مارس آییندا عراقین باش وزیری نوری المالکی شیعه یاراقلی‌لارا قارشی هجوملارا باشلاماسینا امر وئرندن بری، صدر شهرینده دؤیوشلر گرگین‌لشمیشدی. نتیجه‌ده یوزلرله انسان حیاتینی ایتیریب. سون زوراکی‌لیقلار زامانی، دونن صدر شهرینده شیعه یاراقلی‌لارلا آمریکا قووه‌لری آراسیندا باش وئرن دؤیوشلر نتیجه‌سینده اوشاق و قادین دا آرالاریندا اولماقلا 13 نفرین ئولدویو، 77 نفرین ایسه یاراقلاندیغی بیلدیریلیر.