بیر هفته قاباق قاسیرغا نتیجه‌سینده آزی 62 مین انسانین حیاتینی ایتیرمه‌سی و ایتکین دوشمه‌سیندن سونرا، میلیوندان چوخ یئرلی وطنداشین یاردیم گؤزله‌دیی بیر واختدا برمه‌ده بوگون آنایاسا رفراندومو کئچیریلیر. داغیدیجی قاسیرغا برمه‌‌نین نظامی دولتینی، گوجلو داغینتی‌لارلا اوز اوزه گلمیش یئرلرده سس وئرمه‌نی مه‌ین 24-نه کیمی گئجیکدیرمه‌یه مجبور ائدیب، اما باشقا یئرلرده دوشونولدویو کیمی رفراندوم بوگون کئچیریلیب. ئولکه‌نین نظامی رهبری دئییر کی، یئنی آنایاسا "دموکراسی اوچون یول خریته‌سی"نین بیر بؤلومودور و بو، 2010-جو ایلده عموم ملی سئچکی‌لرین کئچیریلمه‌سینه اجازه وئره‌جک. آنجاق خالقی سس وئرمه‌ده "یوخ" دئمه‌یه چاغیران مخالفت رفراندومونون یالنیز نظامی حکومتین صلاحیت‌لرینی آرتیرماق ماهیتی‌نی داشیدیغینی بیلدیریب.