آمریکا پرزیدنتی جورج بوشون 26 یاشلی قیزی جئنا بوش بوگون تگزاسین کروفورد قصبه‌سینده ائوله‌نیر. گلین و اونون اری 29 یاشلی هئنری هئیگر آچیق هاوادا دوزنله‌نن توی مراسیمینه قاتیلاجاقلار. هئنری ویرجینیا جمهوریت‌چیلر حزبی‌ رهبری‌نین اوغلودور. تویا 200 آدامین قاتیلماسی گؤزله‌نیلیر.

هفته‌لیک رادیو مراجعت‌ینده پرزیدنت بوش قیزی‌نین تویونو عاییله‌سی اوچون خوشبخت بیر حادثه کیمی ده‌یرلندیریب. جوتلوک آغ ائوده‌کی مراسیمین چوخ رسمی اولاجاغیندان احتیاط ائده‌رک بونون علیه‌ینه قرار وئریبلر. آتالاری اوفیسده اولارکن ایندییه قدر 22 پرزیدنت ائولادی ائوله‌نیب. سونونجو آغ ائو تویو 1971-جی ایلده پرزیدنت نیکسونون قیزی تریسا ائوله‌ننده اولوب.