چينـده باش وئرميش7.8 ريشترليک زلزله 10000 آدامين ئولومو، مين لرله  نفرين يارالانماسی ايله نتيجه له نيب.    چين رسمی لرينين دئديينه گوره طبيعی فلاکت ئولکه نين جنوب غربينده يئرلشن سيچوآن ايالتينده باش وئريب. شين هوا دولت خبر آژانسی نين معلوماتينا گوره سيچواندا زلزله نتيجه سينده 900 آدام داغينتی لار آلتيندا قاليب. طالعی بللير سيز( غير معين) اولاراق اوچگونلار آلتيندا قالانلار مدرسه ئويرنجی ديرلر. چين رهبرلری ايسه چين اهالیسينی فلاکتدن اذيت چکن لره يارديم اوچون ال لرينده گلنی ائتمه يه چاغيريب. چين پرزيدنتی نين چاغيريشينين آردينجا ئولکه نين باش ناظری اوئن جيابو قورتارما عملياتلارينا باشچيليق ائتمک اوچون حادثه يئرينه يوللانيب. رسمی معلوماتلارا گوره زلزله نتيجه سينده ايالتين بوتون رابطه سيستمی کسيليب. زلزله حتی 1500 کيلومتر آراليدا يئرلشن چکين شهرينده و قونشو ويتنام-دا حيس اولونوب.