آذربايجانين آپا اينفورماسيا آژانسی، تابناک و آذرنيوز سايت لارينين

اوستاد شهريار

معلوماتينا گوره بويوک آذربايجان شاعری محمد حسين شهريار حاققيندا ايران دولت کانالينين چکيب- گوستردييی فيلم شهريارين اولادلارينين تنقيد لرينه سبب اولوب. شهريارين اوغلو و قيزی نين يايديغی بياناتدا بيلديريلير کی، فيلمين ادعاسينين عکسينه اولاراق شهريارين آتاسی تورک دور. شاعرين اوغلو فيلمده گوستريلن بير سيرا مقاملارين حقيقته اويغون اولماديغينی بيلديرير. شهريارين قيزی ايسه فيلمده کی بير سيرا اوپيزودلارين تحقيرلی اولدوغونو و فيلمين چکيليشی نين اونلاردان گيزله ديلديينی قيد ائدير. يادا سالاق کی، شهريار 1906-جی ايلده تبرين ياخينليغيندا خوشکناب کندينده آنادان اولوب. 7 ايل طب مکتيبينده اوخودوقدان سونرا تحصيلينی ياريمچيق بورخاراق شاعرلييه اوز گتيريب. اونون ايلک شعرلری 1926-جی ايللرده چاپ ائديليب. فارس و تورک ديل لرينده شعرلر يازان شهريار 1988-جی ايل سپتامبرين 18-ده دونياسينی ده ييشيب. مزاری تبريزين شاعرلر مقبره سينده دير."حيدربابايا سالام" ايسه اونون شاه اثری ساييلير.