لبنان اردوسو بيلديرير کی، بو گوندن باشلاياراق، ئولکه ده کی فرقه لر آراسی قارشيدورمايا سون قويماق مقصدی ايله گوج -زوردان استفاده ائده جک. حکومت طرفدارلاری ايله حزب الله چيلار آراسينداکی دويوشلره سون قويماق اوچون اردو بو گون سحر ساعات 6-دان عملياتلارا باشلاياجاغينی سويله ييب. يادا سالاق کی، لبنان اردوسو اينديه دک ئوزونو حزب الله و حکومت طرفدارلاری آراسينداکی قارشيدورمالاردان کناردا ساخلاييردی. سون قارشيدورمالار زامانی 61 آدام ئولوب200 نفر ايسه يارالانيب. بو آرادا، عرب بيرلييی رسمی لريندن عبارت بير هيات بحرانين آرادان قالديريلماسی مقصدی ايله بيروتا يوللانيب. ب م ت نين باش کاتبی بان کی مون قارشيدورمالارا سون قويولماسی و مذاکره ميز آرخاسينا دونمه يی طلب ائديب.