ب م ت - بيرلشميش ملت لرتشکيلاتی نين باش دبيری بان کی مون برمه حکومتينی سايکلون قاسيرغاسيندا اذيت چکن لره گونده ريلن خارجی يارديم لارين قبول ائديلمه سينی آز سرعتله حياتا کئچيرديينه گوره قيناييب. برمه ايله باغلی ئوزل توپلانتی زامانی جناب بان کی مون بيلديريب کی، يارديملارين چاتديريلماسی سرعتلنديريلمزسه ئولکه ده يولوخوجو- داراشيجی خسته ليک لر ياييلا بيلر. او برمه حکومتينی ئوز ملتينی باشا دوشمه يه و ملته اوستونلوک وئرمه يه چاغيريب. مون دئييب کی، خارجی يارديملارين سياسته دخلی يوخدور و يالنيز انسانلارين حياتينی قوروماق اوچون دور. بان کی مون سون گونلرده برمه حکومتی نين باشچيسی تان شوئی ايله تلفونلا دانيشيب. داها سونرا ايسه اونا ايکينجی مکتوبلا مراجعت ائديب. برمه ده باش وئرميش سايکلون قاسيرغاسی- توفانی نتيجه سسينده 32000 آدام حياتينی ايتيريب. ب م ت برمه ده 2 ميليون انسانين فوری يارديملارا احتياجی اولدوغونو سويله يير.