سعودی عربستان ايران دولتينی لبنانداکی سون دولت چئوريليشی- کودتايا جهدده اتهام ائده رک، بولگه نين باشقا ئولکه لريندن لبنانين ايچ ايشلرينه قاريشماماغی ايسته ييب. عربستانين خارجی ايشلر وزيری سعود الفيصل بو گون بيلديريب کی، لبنانداکی زوراکيليقلارا دستک وئرمه يی دايانديرمازسا بو ايرانلا بوتون عرب ئولکه لرينين علاقه لرينه تاثير ائده جک. ايران و سوريه شيعه حزب الله تشکيلاتينين اساس حمايتچی لری کيمی تانينيرلار. بو آرادا، لبنان اردوسو بوندان سونرا قارشيدورمالاری آرادان قالديرماق اوچون حربی گوجه ال آتاجاغينی بيلديريب. يادا سالاق کی، حزب الله ياراقليلاری ايله حکومت قوه لری آراسينداکی دويوشلر زامانی 62 آدام هلاک اولوب، چوخلو انسان يارالانيب.