چين اردوسو سيچوان ايالتی نين اوزاق داغليق بولگه سينده کی زلزله دن قورتارانلارا هاوادان يارديم و ارزاق توکور. بونا باخماياراق داغينتی لار آلتيندا قالان مين لرله انسانين حياتدا قالما شانسی گئت- گئده آزالير.چين حکومتی قوربانلارين سايی ايله باغلی رسمی معلوماتی 15000 نفره يوکسلديب، آنجاق يارديم گروهلاری داغينتی لار آلتيندا قالان انسانلاری چيخارماغی داوام ائتديرديکجه ئولن لرين سايی نين داها دا آرتاجاغی گوزله نيلير. شين هوا خبر آژانسی نين معلوماتينا گوره، ايلکين يارديم پاکت لری 7 حربی هليکوپتر واسطه سی ايله سيچوان ايالتی نين زلزله وورموش بولگه لرينه پايلانيليب. يئرلی رسمی لرين بيلديرديينه گوره، "يينگ اکسيو" قصبه سينين10 مين نفرليک اهالی سيندن يالنير 2300 آدام ساغ قورتاريليب. زلزله قوربانلارينا يارديم مقصدی ايله چين اردوسونون 50 مين ليک قوه سی بولگه يه گونده ريليب.