استراليا حکومتی، آنتی اسرائيل آچيقلاملارينا گوره ايران پرزيدنتی محمود احمدی نژادی بين الخالق محکمه يه وئرمه يی گوتور- قوی ائدير. استراليانين باش وزيری کوين راد دئييب کی، ايران پرزيدنتی نين يهودی لره قارشی و اسرائيلين محو ائديلمه سی ايله باغلی آچيقلامالاری تهلوکه لی چاغيريش لاردان عبارت دير. اونون فيکرينجه بو چاغيريش لار ايرانا گوز تيکميش بير سيرا مسلمان لارين اوزه رينده منفی تاثير ائده بيلر. استرلين قازئتی نين معلوماتينا گوره استراليا باش ناظری کوين راد سئچکی لردن قاباق استرالياداکی يهودی لره باش وزيرلييه سئچيله جه يی صورتده ايران پرزيدنتينه قارشی قانونا اويغون آدديملار آتاجاغينا سوز وئرميشدی.