ايران رژيمی نين رسمی لری آتم فعاليت لری ايله باغلی يارانميش بين الخالق قارشيدورمانين چوزولمه سی (حلی) ايله باغلی بير سيرا تکليف لرله چيخيش ائديب. بو تکليف لر پاکتی ايرانين بلژيک-ده کی سفيری طرفيندن اروپا بيرلييی نين خارجی سياست باشچيسی خاوير سولانايا تقديم ائديليب. ايرانين بلژيک-ده کی سفيرلييی بو باره ده گئنيش آچيقلاما وئرمه ييب. تکليف لرين نه دن عبارت اولماسی دا بللی دئييل دير. سولانانين اوفيسيندن ايسه تکليف لرين گوزدن کئچيريله جه يی بيان ائديليب. حاوير سولانانين بير نئچه گوندن سونرا بريتانيا، چين، فرانسه، روسيه وآلمان رسمی لری ايله بيرليکده تهرانا سفر ائده جه يی گوزله نيلير. نماينده هياتی ايرانين اورانيوم زنگين لشديرمه فعاليت لرينی دايانديرماسينا نائيل اولماق اوچون بو ئولکه يه يئنی تشويق ائديجی تکليف لرله گئديرلر. يادا سالاق کی، ايران آتم چاليشمالاری ايله باغلی ب م ت نين امنيت شوراسينين چيخارديغی 3 قطعنامه يه سايماز ياناشماغا داوام ائدير. غرب ايرانی آتم سيلاحی دوزلتمه يه چاليشماقدا اتهام ائتسه ده ايران چاليشمالارينين دينج مقصدلی اولدوغونو دئيير.