ب م ت- بيرلشميش ملت لر تشکيلاتی نين قاچقين لار اوزره آژانسيندان بيلديريلير کی، عراق و افغانستاندان اولان قاچقين لارين سايی آرتيب. بو گون ياييلان راپورتدا ب م ت رسمی لری بيلديرير کی، عراق و افغانستاندان اولان قاچقين لار 11.4 ميليونلوق دونيا قاچقين لارينين ياريسينی تشکيل ائدير. قاچقينلارينين سايينا گوره افغانستان و عراقدان سونرا کلمبياليلار، سودانليلار و سومالیلار گلير. قيد ائدک کی، آژانس ئولکه سيندن قاچماغا مجبور اولان قاچقين لارلا ئولکه ايچينده کوچکون دوشموش انسانلاری فرقلنديرير. ب م ت نين قاچقين لار اژانسی نين معلوماتينا گوره، کلمبيا دونيانين ان بويوک مجبوری کوچکون کوتله سينی تقريبا 3 ميليون نفری بارينديرير، عراقدا ايسه 2.4 ميليون مجبوری کوچگون وار. راپورتدا او دا بيلديريلير کی، دونياداکی قاچقين لارين عمومی سايی سون 5 ايلده آزالميشدی آنجاق 2006-جی ايل و کئچن ايل بو رقم آرتيب.