آذربايجانين آغير جينايتلره داير ايشلر اوزره محکمه سي آذربايجان واسيطه سيله ايراندان اروپايا ۱۴۲ ک.گ هئروين کئچيرمه يه جهد ائدن دؤرد تورکيه وطنداشي باره سينده حؤکم چيخاريب. متهم لر نصيب ييلماز پاکئرلئر، آکگون حسين عوثمان، کيليچپارلار محمت آجي، آيدار جئودئت جينايت مجلله سي نين متشکل گروپ طرفيندن نارکوتيک قاچاقمالچيليغي، ساتيش مقصديله بويوک ميقداردا اويوشدوروجو الده اولونماسي مادده لري ايله تقصيرلي بيلينيب و هر بيري ۱۵ ايل مودتينه آزادليقدان محروم ائديليب.

توران خبر آژانسي نين معلوماتينا گؤره، گروه گمروک رژيميندن ياييناراق، آذربايجانا کوللي ميقداردا اويوشدوروجو کئچيريب. داشينما تورکيه نين “اونلو کاهرامانلار” نقليات فيرماسينا مخصوص يوک ماشينيندا حياتا کئچيريليب. نارکوتيک ايران اراضيسينده بنزين باکيندا خصوصي ساخلانما يئرينده گيزله ديليب. ماشين آستاراداکي گؤمروک منطقه سيندن سرحددي کئچيب و اؤتن ايل دسامبرين ۵-اينده باکي-يا چاتيب. دسامبرين ۱۰-اوندا ماشي نين سوروجوسو نصيب ييلماز پاکئرلئر باکي ياخينليغينداکي سولوتپه کندينده نارکوتيکي گروهون باشقا عضولرينه وئريب. اويوشدوروجونو ۶ ايدمان چانتاسينا ييغان گروه عضولري اونلاري “مرسدس” مارکالي آوتوموبيله قويوبلار و بو زامان آذربايجان ميللي تهلوکه سيزليک ناظرليگي نين امکداشلاري طرفيندن ساخلانيليب